AMN PLUS- Mudde 10 /2018
Inistitiyuutiin Tiraanisfoormeeshinii Qonnaa Itoophiyaa ATPilaatfoormii Dijitaalaa “ATI-AgriLearn” jedhamu ifoomse.
Pilaatfoormiin kun yeroo jalqabaaf kan hojiirra oole yoo ta’u filmaatilee dargaggoonni ittiin fayyadaman Shan kan of keessaa qabuu akka ta’e Inistitiyuutichatti Daayirektarri Damee Sagantaa Fayyadamummaa Dargaggootaa Obbo Haayilee Dheeressaa ibsaniiru.
”Dargaggootni oomishtumma isaanii guddisuun akka of danda’aniifi gara biizinasiitti akka guddifatan kan dandeesisuudha” jedhaniiru.
”ATI- AgriLearn” pilaatfoormii dijitaalaa tiraanisfoormeeshinii qonnaa qonnaan bultoota ga’oomsuufi gurmeessuun oomishaafi oomishtummaa dabaluun qonna ammayyeessuuf akka fayyadu Daayirektarri Olaanaa Inistitiyuutichaa Maandafiroo Nugusee (PhD) dubbataniiru.
”Dargaggoon baadiyaa jiru ammoo qonnaan bulaa osoo hin taane gara magaalaatti galuu barbaada” jedhanii, garuu bakkuma jirutti galii argachuun hojii qonnaa irraa akka fayyadamu “AgriLearn” akka gargaaru ibsaniiru.
Pilaatfoormiin dijitaalaa kun galtee irraa eegalee waan hunda of keessaa waan qabuuf dargaggootaaf haala mijataa uumuufi dorgomaa akka ta’aniif kan uumame akka ta’e dubbataniiru.
Dargaggootni beekumsa qabanirratti hubannoo damicha irratti hirmaachuun dorgomaa akka ta’an taasisa jedhaniiru.
Itoophiyaan ALA’tti Bara 2023 oomisha qamadiin danda’uu akkasumas biyya alaatii galchuun akka dhaabbate kan kaasan daayirektarichi, Fiilmiin cehumsa qonna qamadii biyyattii agarsiisus ifoomuu ibsaniiru.
Fiilmiin oomisha qamadii bu’uura taasifachuun ifoome kun taatota dhugaafi kalaqamaniin ogeessota fiilmii Loos Aanjalas hirmaachisuun akka hojjetames ibsameera.
Daraartuu Tarreessaatiin
