Ministirri Muummee FDRI Abiyyi Ahimad (PhD) Pirezidaantii Jibuutii Ismaa’el Oomaar Giileeh waliin mari’ataniiru.
Ministirri Muummee Dooktar Abiyyi Ahimad ergaa miidiyaa hawaasummaa isaaniin dabarsaniin, “har’a ganama wayitan Jibuutii gahu Kabajamoo Pirezidaanti Ismaa’el Oomaar Giileeh simannaa naaf taasisaniiru” jedhan.
Pirezidaanticha waliin mari’achuu kaasanii, mariin isaanii dhimmoota ji’oopolatiksii, nageenyaafi tasgabbii naannawaa akkasumas tumsawwan gamlamee keessumaa dameewwan daldalaa, loojistiksiifi hojiilee misoomaan qaban haala cimsuun danda’amurratti kan xiyyeeffate ta’uu eeraniiru.
Dooktar Abiyyi “Kunis nageenyaafi tasgabbii, walitti hidhamiinsa diinagdeefi badhaadhina waloo irratti ejjennoo waloo cimaa qabnu agarsiisa” jedhan.
