AMN PLUS- Guraandhala 10/2018
Taphootni moo’atanii darbuu Chaampiyoonsi Liigii Awurooppaa har’a halkan gara dirreetti deebi’u.
Liigichaan kilabootni 8 kallattiin gara marsaa itti aanutti kan darban yoo tahu, kilabootni 16 ammoo tapha dhaqaa galaan wal-keessummeessuun kanneen injifatan gara kilaboota 8 dursan tikkeettii marsaa itti aanutti isaan dabarsu harkatti qabatanitti makamuun imalli shaampiyoonummaaf taphachuu itti fufa jechuudha.
Kun kanumaan osoo jiru tapha darbeen wal-qabatan gara marsaa itti aanutti osoo hin darbiin kan hafan Benefiikaafi Riyaal Maadriid har’a halkan ijibbaata kubbaa kan jedhame wal-morkii tapha kubbaa miilaaf beellama waloo qabu.
Tapha darbe karra eegaan osoo hin hafiin Riyaal Maadriid irratti galchii lakkoofsiisuun kan injifate Benefiikaan leenjisaa kilabichaa Jozee Moorinihoon durfamuun har’a galgalas kilaba faallaa isaanii hiriiru RM’n qoruu akka danda’an xiinxalameera.
Jozee Moorinihoo yaada tapha galgala qaban ilaalchiisuun kennaniin Riyaal Maadriid Leenca mada’e tahuun akka nu eeggatu sirriitti beekna nutis laayyootti warra harka kennan miti jechuun dubbataniiru.
Leenjisichi itti dabaluun RM mootii Chaampiyoonsi Liigii Awurooppaa tahuu dubbachuun nutis akka kilabaatti seenaa keenya keewwachuuf qophiidha jedhaniiru.
Leenjisaan RM Alvaaroo Arbeeloowaa gama isaaniitiin karoorri keenya shaampiyoonaa tahuudhaa ibsuun garuu achii gahuuf taphni har’a halkan qabdu tapha murteessaadha jedhaniiru.
Taphoota biroo Chaampiyoonsi Liigii Awurooppaa har’a halkan eegamaniin Gaalaatasaraay vs Juveentuuz sa’atii 2:45 tti kan taphatan yoo tahu, Boorshiyaa Doortimandi vs Atalaantaa, Monaakoo vs PSG’n sa’atii wal-fakkaataa halkan sa’atii 5:00 tti taphatu.
Iddoosaa Abdiitiin
