Magaalaa Finfinnee kutaa magaalaa Eekkaa Aanaa 08tti namoota dhuunfaa 3 maqaa dhaabbilee mootummaa fi dhuunfaatiin sanadoota sobaa qopheessuu fi raabsan Poolisiin Federaalaa Itoophiyaa Poolisii magaalaa Finfinnee waliin ta’uun qorannoo fi hordoffii qindoominaan gaggeesseen to’annoo jala oolchuu beeksiseera.
Namoonni dhuunfaa kunneen chaappaa sobaa, ragaa barnootaa, waraqaa eenyummaa gandaa, ragaa dhalootaa, kaartaa abbummaa lafaa, nagahee gibira irraa bilisa ta’e, ragaa gaa’elaa, hayyama konkolaachisummaa fi sanadoota sobaa biroo qopheessuun raabsuun kan shakkaman tahuu Poolisiin Federaalaa Itoophiyaa beeksiseera.
Bilbila harkaa fi kompiitara sanadoota sobaaf shakkamtoonni kunneen fayyadaman akkasumas sanadoota sobaa adda addaa qophaa’an qabamuunis ibsa AMN Dijitaaliif ergeen beeksiseera.
Hawaasnis gochi yakkaa akkanaa gaafa raawwatamu qaamolee nageenyaa cina ta’uun eeruu kennuu akka itti fufu Poolisiin Federaalaa Itoophiyaa waamicha dhiyeesseera.
