Poolisiin Federaalaa Itoophiyaa Komishinii Gumurukaa waliin ta’uun sakatta’iinsa taasiseen meeshaalee kontirobaandii Birrii miiliyoona 77tti tilmaamamu Dirre Dawaa fi Somaaleetti to’annaa jala akka oolche beeksise.
Akka Ajajaan Olaanaan Poolisii Kutaa Farra Kontirobaandii Reejimantii 14ffaa Inispeektar Abbabaa Goobaa ibsanitti, konkolaattonni meeshaalee kontirobaandii fe’atanii Somaalilandirraa ka’an Naannoo Somaaleefi Magaalaa Dirree Dhawwaatti to’atamuu isaanii himaniiru.
Sakatta’iinsa taasifameen meeshaaleen kontirobaandii kanneen akka qorqoorroo, sibiilota feerroo gommaa konkolaataa fi meeshaaleen adda addaa to’annoo jala ooluu isaanii Inispeektar Abbabaan ibsaniiru.
Meeshaaleen kontirobaandii kunneenis gara Damee Gumuruka Dirre Dhawaatti geeffamuu isaanii odeeffannoon Poolisiin Federaalaa Itoophiyaa AMNf erge ni mul’isa.
Hawaasni miidhaa kontirobaandiin diinagdee biyyaafi fayyaa hawaasaa irratti fidu hubachuun eeruu kennuu hirmaannaa taasisu cimsee akka itti fufu Poolisiin Federaalaa Itoophiyaa hubachiiseera.
