Magaalaa Finfinnee Kutaa Magaalaa Lidataatti Mariin uummataa mata duree “Misraachoo Gubaa fi Bu’aa Mootummaa Ida’amuu” jedhuun adeemsifameera.
Ministirri Dhimma Alaa Geediyoon Ximootiwoos (PhD), mootummaan waggoota jijjiiramaa keessa uummata wajjin mari’achuun waadaa seene kabajee murannoon hojjachuun bu’aa qabatamaa galmeessisuu beeksisaniiru.
Yaadota hirmaattonni kaasan qaama karoora mootummaa taasisuun fayyadamummaa uummataa mirkaneessuuf akka hojjatan ibsaniiru.
Lammiin hundumtuu yoo jabaatee hojjate ol-ka’iinsi Itoophiyaa yeroo gabaabaatti akka milkaa’u Geediyoon Ximootiwoos (PhD) dubbataniiru.
Ministirri Dhimmaa Daa’immaniifi Hawaasummaa Ergooggee Tasfaayee (PhD) gama isaaniin mootummaafi uummatni waliin mari’achuun hojjechuun bu’aawwan boonsaan galmaa’uu akka danda’e ibsaniiru.
Rakkoowwan Bulchiinsa gaarii furuuf mootummaan sirna diriirsuu ibsuun, hawaasnis kanatti fayyadamuun akka rakkoo Bulchiinsa gaariirratti qabsaa’uu gaafachuusaanii Odeeffannoon Kominikeeshinii Finfinneerraa arganne ni mul’isa
