Itoophiyaa fi Baankiin Addunyaa fooyyessa diinagdee tumsuuf kan oolu waliigaltee deeggarsa Doolaara biiliyoona 1 mallatteessaniiru.
Waliigalticha Ministirri Ministeera Maallaqaa obbo Ahimad Shiidee fi Baankii Addunyaatti Daayrekterri damee Itoophiyaa Maariyaam Saaliim mallatteessan.
Deeggarsi maallaqaa kun Baankiin Addunyaa fooyyessa diingadee Itoophiyaa tumsuuf murannoo qabaachuu agarsiiftuu ta’uu himameera.
Baankiin Addunyaa fooyyessa Diinagdee Itoophiyaa tumsuuf sagantaalee hojiirra oolchu keessaa deeggarsi maallaqaa fi yeroo turtii liqaa dheereessuun isaan tokko ta’uu eerameera.
Damee faayinaansii tasgabbeessuu, dorgomtummaa daldalaa guddisuu, tajaajiloota hawaasummaa waaraan mirkaneessuu fi kanneen biroon dhimmoota ijoo akka ta’e ministeerichi ibseera.
