AMN PLUS- Adoolessa 28/2017
Yaa’iin Nagaa Mana Maree Dhaabbilee Amantaa Itoophiyaa mata duree ”Amantaaleen Nagaa, Tokkummaa fi Obbolummaa” jedhuun magaalaa Hararitti gaggeeffamaa jira.
Barreessaan olaanaa Mana Maree Dhaabbilee Amantaa Itoophiyaa Kabajamoo Qesis Tagayi Taddalaa baniinsa konfiraansichaa irratti, Manni Maree Dhaabbilee Amantaa Itoophiyaa walitti bu’iinsa dhaabuu fi hariiroo ummataa cimsuuf gumaacha taasisaa jira jechuun ibsaniiru.
Adeemsa nagaa waaraa ijaaruu keessatti dhaabbileen amantaa gahee olaanaa akka qabanillee eeraniiru.
Akkasumas, Manni Maree Dhaabbilee Amantaa Itoophiyaa konfiraansii nagaa buusuu fi nagaa cimsuuf jalqabe cimsee itti fufee biyya fooyya’aa dhaloota dhufuuf dabarsee kennuu akka qabu dhaamaniiru.
Abbootiin amantaa nagaa, tokkummaa fi tokkummaa dagaagsuu fi biyyattii sadarkaa guddinaa fooyya’aa ta’etti ceesisuuf gahee olaanaa waan qabaniif gahee sana ba’uu qabna jedhaniiru.
Pirezedaantii Itti Aantuun Naanichaa Aadde Roozaa Umar konfiraansii kana irratti kan argaman yoo ta’u, barumsi nagaa dhaabbileen amantaa amantoota isaanii mana amantaa keessa jiraniif kennan cimuu akka qabu dhaamaniiru.
Dura taa’aan Mana Maree Dhaabbilee Amantaa Naannoo Hararii Sheek Abdusalaam Jibriil akka jedhanitti, manni marichaa waltajjii dhaabbileen amantaa waldaa amantii isaanii keessatti nagaa, araaraa fi dhiifama dagaagsuu akkasumas nagaa biyyattiif gumaacha kan taasisan ta’uu ibsuu isaanii Taajajilli Oduu Itoophiyaatu gabaase
