Kuusaan Galmeewwan dinqisiisoo hundeeffama waggaa 70ffaa isaa kabajachaa jira.
Dhaabbanni kuusaa galmeewwan Rikoordii Addunyaa galmeewwan haaraa waggoota 70 darban keessatti hin galmoofne 70 guyyaa tokkotti ifoomseera. Dhaabbatichi yeroo jalqabaaf akka lakkoofsa Awurooppaatti Hagayya 27 /1955 magaalaa Landanitti galmee dinqisiisoo addunyaa kan maxxanse.
Kitaabni taateewwan ajaa’ibaa galmeessu kun yeroo sanatti maal akka fidee dhufu beekuuf hawaasni addunyaa hawwii guddaan akka eegu taasisee ture.
Yaadni kun kan wixineeffame nama Hiyuu Bivaar jedhamuun yoo ta’uu yeroo sanatti isaan daayirektara olaanaa Warshaa Biiraa Giines ta’uun tajaajilaa turan. Yeroo sana yaada falmisiisaa gosa simbirroo kamtu Awurooppaa keessatti saffisa qaba kan jedhu kitaaba rikoordii addanyuu jedhamu keessatti mata duree akka ta’u yaada bu’uuresseera.
Yeroo sanaa jalqabee galmeewwan kumaatamaan lakkaa’aman kitaaba kana keessatti ispoortii, teeknooloojii, qaama namaa fi dandeettii addaa agarsiisan galmee kana keessatti akka maxxanfaman ta’eera. Addunyaa guutuutti koppiin galmee kanaas miiliyoona 100 fi miiliyoona 55 gurgurameera.
Waggaa 70ffaa isaa yeroo kabaje, dorgommii fiigicha qalqalloo meetira 400 saffisaa ta’e fi yeroo saffisaa biskileetiidhaan gaara Everest ol ba’amee kanneen galmeeffaman keessatti argamu.
Kabaja waggaa hundeeffamaa kanarratti kan dubbatan, daayeraktarri olaanaa ‘Guinness World Records’ Kireeg, “Waggoota darban keessatti addunyaa guutuutti hojiiwwan humna, ogummaa fi obsa ajaa’ibsiisaa qaban argineerra, akka itti fufanis abdii qabna’’ jedhaniiru.
Ammas waan haaraa hawwiin eeggachaa jirra, dhaloota ammaa fi kan itti aanan kanneen rikoordii cabsan kabajuu itti fufna jechuu isaanii ‘Euronews’ gabaaseera.
