AMN PLUS Onkololeessa 10/2018
Ministirri Muummee Abiyyi Ahimad (PhD) hoggantoota duraaniifi ammaa waliin daawwannaa hojiilee misoomaa Baaleetti taasisanin cinaatti Holqa Soofumaritti mari’ataniiru.
Hojiileen misoomaa Godina Baalaatti hojjetaman badhaadhina Itoophiyaa dhugoomsuu keessatti gumaacha guddaa akka qabu Pirezidaantiin Mootummaa Naannoo Oromiyaa Obbo Shimallis Abdiisaa ibsaniiru.
Godina Baaleetti misoomni hojjetameefi hojjetamaa jiru rakkinoota kanaan dura hambisuun yeroo gabaabaa keessatti bu’aan mul’achaa jiru abdii namatti kan horuudhas jedhaniiru.
”Mariin hoggansa duraaniifi ammaa waliin iddoo misoome Holqa Soofumar keessatti taasfne Itoophiyaan garamitti imalaa akka jirtu kan agarsiisuudhas” jedhaniiru.
Yaadaafi mul’ata misoomaa hojiitti jijjiiruun gaabbii duriitif furmaata fiduun bu’aa olaanaan argamaa akka jirus Obbo Shimallis dubbataniiru.
Yaadota Hoggantoonni ammaafi duraanii kaasan irraa waan heddu akka hubatan kan ibsan Obbo Shimallis Abdiisaa, mariin kun hojii gara fuulduraatti hojjetamuufi humna guddaa akka ta’e ibsaniiru.
Daraartuu Tarreessaatiin
