Dhaabbileen Amantaa humna misoomaafi nageenyaaa ta’uu Pirezidaant Taayyee Atsqasillaasee himan.
Konfiransiin dhaabbilee Amantaa idil addunyaa 3ffaan Magaalaa Finfinneetti taa’amuu eegaleera.
Konfiransichirratti Pirezidaantii FDRI Taayyee Atsqasillaaseefi Dura Taa’aa Gamtaa Afriikaa Mahaammad Alii Yusuuf dabalatee bakka bu’oonni dhaabbilee Amantaa biyyoota garaa garaa argamaniiru.
Pirezidaanti Taayyee Atsqasillaaseen dhaabbilee amantaa humna guddinaa,mosomaafi nageenyati jedhan.
Barnootni amantaa namoomaarratti xiyyeefata kan jedhan Pirezidaanti Taayyeen,akkaataa barnootni amantaa ajajuun hojjachuun barbaachisaadha jedhan.
Itiyoophiyaa keessatti hirmaannan dhaabbilee amantaa gama maraan olaanaa ta’uu himanii,marii biyyaalessaa keessatti hirmaannaa hooggantoota dhaabbilee amantaa akka fakkeenyatti kaasaniiru.
Dura Taa’an Gamtaa Afriikaa Mahaammad Alii Yusuuf, Itoophiyaan amantaa hedduu keessummeessuun biyya fakkenya taatedha jedhan.
Hooggantoonni dhaabbilee Amantaa Afriikaa, guddina, misoomaafi nageenya Afriikaaf Sagalee ta’uu akka qaban dhaamaaniiru.
Guddataa Ajjamaatu Gabaase
