Jijjiiramaa fi guddina ariifataa Magaalaan Finfinnee galmeessaa jirturraa biyyootni Afrikaa barumsa fudhachuu akka qaban gaazexeessitoonni Afrikaa ibsan.
Ogeeyyiin miidiyaa biyyoota Afrikaa adda addaa irraa dhufan Godambas Biyyaalessaa Itoophiyaa fi daandiiwwan gurguddoo Magaalaa Finfinnee daawwataniiru.
Gaazexeessaan Jaaksan Okaataa Keeniyaa irraa yeroo jalqabaaf Magaalaa Finfinnee kan daawwate hima. Bareedinni ishee kan dhagaherra akka caalu dubbata.
Daandiiwwaniifi misoomni magariisaa magaalatti keessatti hojjetame moodala magaalonni Afrikaa hundi hordofuu qaban akka ta’e ibsaniiru.
Gaazexeessituun Kaatiriin Teemboo Maalaawii irraa kan dhufte Magaalaa Finfinneetti akka gammadde dubbati.
Gaazexeessituun lammii Keeniyaa Agaataan Goozoo kanaan dura Finfinnee daawwatteetti. Amma waan baay’een jijjiiramuudha himti.
Gaazexeessaan Ruwaandaa Misheel Kuziizaam namni dhufee Magaalaa Finfinnee daawwate muuxannoo biyya isaaf qoodu akka qabu ibsa.
Magaalaa Finfinnee hojiilee misooma magaalaa keessaa saffisaan kan hojjette ardii Afrikaatiif fakkeenya gaarii akka ta’e gaazexeessittoonni kunneen ibsuu isaanii TOI gabaaseera.
