Itoophiyatti Raayyaan gaachana biyyaa fi abdii ummataa amansiisaan ijaramuusaa ministeera ittisaatti ajajaan olaanaa Izzii jiddugalaa Letenaal Jeneraal Zawuduu Balaayi dubbatan.
Manni barumsaa leenjii Xollaayi loltoota ogummaa loltuu bu’uraan marsaa 11ffaaf leenjise har’a eebbisiiseera.
Ministeera ittisaatti ajajaan olaanaa Izzii jiddugalaa Letenaal Jeneraal Zawuduu Balaayi saganticharratti argamuun dubbii dubbatanin, raayyaan cimaan gaachana amansiisaa, kan biyya boonsuu fi ummataaf dhaabate Itiyoophiyaatti ijaaramuusaa ibsaniiru.
Raayyaan adeemsaan ijaaramee yeroo ammaa drqama kennamuuf ga’umsaa fi gootummaa olaanaan raawwachuu kan danda’u ta’uu kaasanii, miseensonni raayyaa leenji’anii bahanis humna ida’amaa ta’uu dubbataniiru.
Kanaaf eebbifamtoonni har’aa waadaa galaniif amanamuun kabaja biyyasaanii eegsisuun fi nageenya ummataa cimsuun karoorri misooma biyyaalessaa akka milkaa’an hojjechuun qooda olaanaa akka bahan hubachiisaniiru.
Ministeera Ittisaatti qajeelcha olaanaa barnootaa fi leenjiitti ajajaan jiddugala leenjii olaanaa fi gadii Xoollaayi Birgaader Jeneraal Xumsiidoo Fiittaamoo, eebbifamtoonni har’a dirqama loltummaa ga’umsa olaanaan raawwachuurra darbee deeggaraa misoomaa fi fayyadama ummataa dhugoomsuuf tattaaffii taasifamu keessatti qoodasaanii akka bahan hubachiisaniiru.
Eebbifamtoota keessaa loltuu bu’uraa Asteer Girmaa fi loltuu bu’uraa Habtaamuu Qalqalloo, turtii leeniitiin beekumsa loltummaa guddaa argachuusaanii dubbataniiru.
Beekumsa argatan hojiirra oolchuun aarsaa ammaa lubbuu kaffaluun biyyaa fi ummatasaanii tajaajiluuf qophii ta’uusaanii mirkaneessaniiru.
Ministeera Ittisaatti Daarektarri dhimma dubartootaa fi hawaasummaa Birgaader Jeneraal Hullaagarish Diras dabalatee hooggantoonni olaanaa raayyaa fi qondaaltonni sirna eebbaarratti argamuu TOI gabaaseera.
