AMN PLUS – Hagayya 05/2017
Bara baajataa xumurame kana oomisha ixaanaa irraa Doolaarri Miiliyoona tokkoofi Kuma 600 ol argamuu Korporeeshiniin Hooggansa Hojiiwwan Qonnaa beeksise.
Daayitektarri Komunikeeshinii fi Itti gaafatamaan Damee Hawaasummaa Korporeeshinichaa Gaashawu Ayichiluum akka jedhanitti ixaanni Kuntaala 2 fi 505 gabaa biyya alaaf dhiyaateera.
Ixaannoi kun biyyoota akka Chaayinaa, Dubaayi, Giriikii, Tuniiziyaa fi Tarkiyyeetti kan ergame yoo tahu, galiin Doolaara Ameeriikaa Miiliyoona 1 fi kuma 600 ol irraa akka argame dubbataniiru.
Dabalataanis, ixaanni Kuntaala 260 biyya keessatti dhiyeessuun, galiin Birrii Miiliyoona 7 fi kuma 700 ol itti tilmaamamu akka argame ibsaniiru.
Raawwiin hojii 2017 raawwii bara darbee waliin wal bira qabamee yoo ilaalamu caalmaa akka qabu ibsameera.
Korporeeshinichi oomisha ixaanaa walitti qabu keessaa dhibbantaa 90 ol gabaa Addunyaaf akka dhiyeessus beeksisaniiru.
Al-seerummaa daldalaa damicha keessatti mul’atu hambisuuf hojjatamaa akka jiru Daayirektarichi ibsaniiru.
Itoophiyaan bara baajataa 2018’tti oomisha ixaanaa gara biyya alaatti ergitu kuntaala Kuma Lamaafi 510 erguun sharafa alaa argamsiisuuf akka karoorsite dubbachuu isaanii Tajaajila Oduu Itoophiyaatu gabaase.
