አዲስ ሚዲያ ኔትዎርክ

AMN – ህዳር 21/2018 ዓ.ም

ዛሬ በከተማችን በተለያየ ደረጃ የሚገኙ አምራች ኢንዱስትሪዎችን ጎብኝተናል ሲሉ ከንቲባ አዳነች አቤቤ ገለጹ።

ከንቲባ አዳነች በማህበራዊ የትስስር ገፃቸው ባስተላለፉት መልዕክት፣ ባለፉት የለውጥ ዓመታት በጥቃቅንና አነስተኛ አደራጅተን በዘርፉ የስራ እድል የፈጠርንላቸው እና በግላቸውም በተፈጠረው ምቹ ሁኔታ ስራ የጀመሩ አምራቾች አሁን ላይ ወደ ኢንዱስትሪ ደረጃ አድገው በአጭር ጊዜ ፍሬያማ እየሆኑ መምጣታቸውን በማየታችን ደስ ብሎናል ብለዋል።

በጎበኘናቸው ኢንዱስትሪዎች የተፈጠሩ የስራ ዕድሎች፣ የምርት ሂደት በተለይም በተኪ ምርት እና ለውጭ ገበያ የሚቀርቡ ምርቶችን በማምረት ረገድ እያከናወኑት ያለው ስራ አበረታች ነው።

የከተማ አስተዳደራችን ለነባሮቹም ሆነ ለአዳዲሶቹ ኢንዱስትሪዎች ውጤታማነት እያደረገ ያለውን የመስሪያ ቦታ የማቅረብ እና ሁለንተናዊ ድጋፍ በቀጣይም አጠናክሮ ይቀጥላል ብለዋል ከንቲባዋ።