አዲስ ሚዲያ ኔትዎርክ

AMN- ጥቅምት 7/2019 ዓ.ም

በእንግሊዝ ፕሪሚየር ሊግ 7ኛ ሳምንት መርሃግብር ማንችስተር ሲቲ ሰባተኛ ተከታታይ ድል በማሳካት መሪነቱን አጠናክሯል።

የኢንዞ ማሬስካ ቡድን በኢትሃድ ስታዲየም አዲስ አዳጊው ኢፕስዊች ታውንን 3ለ2 አሸንፏል።

ኧርሊንግ ሃላንድ ሁለት ግቦችን አስቆጥሮ ልዩነት ሲፈጥር ፣ ፊል ፎደን ሌላኛውን ግብ አስቆጥሯል።

የኢፕስዊች ታውንን ሁለት ግቦች ዳይዘን ማኤዳ በጨዋታ ፣ ዛይን ፍሌሚንግ በፍፁም ቅጣት ምት አስገኝተዋል።

ያደረጋቸውን ሰባት ጨዋታዎች ያሸነፈው ሲቲ በ21 ነጥብ መሪነቱን አጠናክሯል።

ከሜዳው ውጪ ብሬንትፎርድን የገጠመው ሊቨርፑል 2ለ1 አሸንፏል።

ቪክቶር ሙኖዝ እና አሌክሳንደር ኢዛክ የመርሲሳይዱን ክለብ የማሸነፊያ ግቦች አስቆጥረዋል።

ኪን ሊውስ ፖተር የብሬንትፎርድን ብቸኛ ግብ ያስቆጠረ ተጫዋች ነው።

በጨዋታው በብሬንትፎርድ በኩል ዬሆር ያርሞሉክ እና ቪታሊ ያንለት በቀይ ካርድ ከሜዳ ወጥተዋል።

በአልቫሮ አርቤሎዋ የሚመራው ፉልሃም በአሌክስ ኢዎቢ ብቸኛ ግብ ሀል ሲቲን 1ለ0 አሸንፏል። ፉልሃም በውድድር ዓመቱ ድል ሲያደርግ ለመጀመሪያ ጊዜ ነው።

በሸዋንግዛው ግርማ