Bulchiinsi magaalichaa rakkoo dhiyeessii manaa furuuf qindoomina mootummaa, innisheetivii tola ooltototaafi namoota dhuunfaan ijaaran (misoomsitoota) waliin ta’uun manneen hedduu ijaaruun lammiileen akka fayyadaman taasisaa jiraachuu Waajjirri Kantiibaa Bulchiinsa Magaalaa Finfinnee beeksise.
Haaluma kanaanis, manneen hedduu filmaatilee garaa garaan ijaaruun, dhiyeessii manneen jireenyaa fooyyessuun bu’aan qabatamaa akka galmaa’e waajjirichi beeksiseera,
Sagantaawwan ijaarsa manneenii hanga ammaatti jiraniin, manneen kondominiyemii Kuma139 ol fayyadamtootaaf ijaaramanii kennamuu beeksiseera.
Lammiilee humna hin qabneefi biyyaaf oolmaa oolaniif deggersa mootummaafi tola ooltotaan manneen Kuma 40 fi 500 ijaaramuu ibseera.
Waajjirichi manneen kiraa bulchiinsa magaalaaf manneen Kuma 24 fi 800 ol, Riil Isteetii, waldaafi dhuunfaan kan ijaaraman Manneen kuma 175 fi 600 ol akka ta’an eereera.
Walumaa galatti manneen Kuma 300 ol ta’an fayyadamtootaaf dabarsamanii kennamuu waajjirichi ibseera.
Filmaatilee garaa garaa fayyadamuun gaaffii dhiyeessii mana jireenyaa lammiilee deebisuuf gara fuulduraattillee akka hojjatamu akeekuu isaa odeeffannoon waajjira kantiibaa irraa argame ni mul’isa.
