Itoophiyaan godaantota miliyoona tokko caalaniif dahoo ta’uun kutannoon agarsiifte gocha michooma dhugaa akka ta’e Itoophiyaatti Bakka Bu’aan Olaanaa Dhaabbata Godaansaa Idil-addunyaa (IOM) Abiibtuu Waanee ibsan.
Sadarkaa addunyaatti lakkoofsi godaantootaa dabalaa dhufuun lakkoofsi godaantotaa miliyoona 90 tti siqan keessaa garri caalu biyyoota Afrikaa keessatti akka argaman ibsameera.
Itoophiyaa keessaa godaantota biyyoota adda addaa irraa dhufan kan argaman yoo ta’u, hojiileen buufata godaantotaa qopheessuuf dandeessisan hojjatamaa turuu eerameera.
Gochaan akkanaa irraa kan ka’e Itoophiyaan Afrikaa keessatti godaantota hedduu keessummessuun tarree biyyoota godaantota baay’ee simatanii keessa galuu dandeesseetti.
Kana bira dabree yeroo adda addaatti sadarkaa idil-adduunyaatti beekamtiifi dinqisiiffannaa akka argatte ibsameera.
Itoophiyaan yeroo dheeraaf aadaan godaantota simachuu biyyatti idil-aduunyaan waliigaltee mallatteessuu ol akka ta’e Abiibtuu Waanee dubbataniiru.
Itoophiyaan godaantota simachuu qofa osoo hin ta’in sochii jireenya hawaasummaa fi diinagdee biyyattii keessatti akka hirmaatan taasisuuf hojjatamuu eerameera.
Walumagalatti Itoophiyaan godaantoota keessummeessuuf gochaa fakkeenya qabu raawwachaa akka jirtu Dhaabbatni Godaansaa Idil-addunyaa (IOM) beeksisuu TOI gabaaseera.
