Guyyaan Saboota, Sablammootaafi Uummattoota Itoophiyaa 20ffaan bara 2018 mata dure “Waliigalteen Dimokiraatawaa Tokkummaa Sab-daneessummaaf” jedhun kabajamu bakka walgeettii saboota Itoophiya heddu taatee Kutaa Magaalaa Gullelleetti Sagantaa agarsiisa aadaa saboota garagaraafi marii paanaaliitin kabajame.
Af-yaa’iin mana maree Kutaa Magaalichaa Obbo Makuriyaa Gurmuu guyyaan sabootaa, sabalammootaafi Uummattoota Itoophiyaa bara kanaa wayita Itoophiyaan imala jijjiramaa amansiisaarra jirturratti kabajamuun isaa adda kan isa taasiisuu ta’u dubbataniru.
Guyyichi sabaafi sablammoota Itoophiyaa gidduutti tokkummaa, waldanda’uu, Jaalalafi aadaan walkabajuu akka dagaaguu taasisuu irratti xiyyeeffachuun kan kabajamuu waan ta’eef Itoophiyaanonni hundi akka guyyaa addaatti fudhachuu isaan irraa eeggamas jedhaniiru.
Af-yaa’iin itti aantuu mana maree Magaalaa Finfinnee aadde Faa’izaa Muhaammad guyyaan sabaafi sablammootaa waltajjii sirna federaalizimii sab-daneessummaa kan itti cimsinufi tokkummaa biyyaalessaa itti ijaarrudha jedhan.
Ayyaanichi yeroo Itooohiyaan pirojektoota tokkummaafi waliigaltee biyyaalessaa cimsan dafqa lammileetin ijaaraman kan akka hidha haromsaa yeroo xumuramaniitti fi pirojektoonni badhaadhina Itooohiyaa egeree raagan yeroo jalqabsiifamaniitti kabajamuun isaa adda isa taasiisa jedhaniru.
Guyyaan Saboota, sablammootaafi Uummattoota Itoophiyaa 20ffaan bara kanaa Naannoon Giddu Galeessaa Itoophiyaa Magaalaa Hosaa’inaatti guyyaa heerri Mootummaa Itoophiyaa itti ragga’e sadaasa 29, 2018tti ni kabajama.
Kaasiyyee Maanguddaatu Gabaase.
