AMN PLUS-Sadaasa 25/2018
Jilli Gamtaa Awurooppaa dhimmoota sirna fayyaa Itoophiyaa cimsuu fi tattaaffii Ittisa Vaayirasii Maarbarg irratti deggarsa taasisuuf Ministira Fayyaa Itoophiyaa Dooktar Maqdas Dhaabaa waliin mari’achuun isaa ibsame.
Daayirektoreetiin Waliigalaa Eegumsa Siivilii fi Hojii Gargaarsa Namoomaa Komishinii Awurooppaa (ECHO) Vaayirasii Maarbarg ittisuu dabalatee tattaaffii Itoophiyaan fooyya’insa fayyaaf taasistu cimsuuf deggarsa bal’aa akka taasisu beeksiseera.
Ministirri Fayyaa Dooktar Maqidas qophaa’ummaa yeroo muddamaa guddisuuf Jila Gamtaa Awurooppaa waliin kan mari’atan yoo ta’uu Ministeerri Fayyaa miidiyaa hawaasummaa isaan ibseera.
Dhimmoota hordoffi, kunuunsa dhibamtootaa, loojistikii fi dhimmoota biroo irratti waliin hojjachuuf waliigaluu isaanii eerameera.
Sirna fayyaa Itoophiyaa cimsuufi fuul-durattis qophii weeraraaf taasifamu fooyyessuuf tarkaanfiwwan yeroo dheeraa fudhatamuu malan irratti irratti mari’achuun isaanii ibsameera
Gamtaan Awurooppaa vaayirasii Maarbarg ittisuufi to’achuun akkasumas sirna fayyaa cimaa ijaaruu ilaalchisee michooma mootummaa Itoophiyaa wajjin qabu cimsuuf Itti dhiyeenyaan hojjechuuf murannoon qabaachuu mirkaneessaniiru
Madda: Ministeera Fayyaa
