AMN – Sadaasa 17/ 2017
Addis Miidiyaa Neetiworkiifi Biiroon Kominikeeshinii Magaalaa Finfinnee waliigaltee waloon hojjechuuf dandeessisuun mallatteessan.
Hoggantuun Biiroo Kominikeeshinii Finfinnee Aadde Innaatalem Mallasaa AMN miidiyaa sagalee hawaasaa keessummeessuun rakkoolee furaa jiru ta’uu himan.
Hojiilee misoomaa magaalaa Finfinnee hawaasa biraan gahuun dabalata, odeeffannoo jiraattota magaalichaaf barbaachisan filmaatilee oduu, dookumantariifi sagantaaleen dhaqqabsiisuun ‘Sagalee Dhalootaa’ ta’uusaa mirkaneesseera jedhan.
Hoji raawwachiisaa olaanaan AMN obbo Kaasahun Gonfaan dhaabbileen lameen kaayyoofi galma tokkichaaf akka dhaabbatan kaasuun, AMN teekinooloojiin of ammayyeessuun mootummaafi uummata gidduutti riqicha ta’ee tajaajilaa jira jedhan.
Sagantaa sagalee uummataa ta’e “Waarkaa” caalmaan cimsuun qabiyyee sagantaa haarawaan yeroo dhiyootti hawaasa bira akka gahus akeekan.
Dhaabbilee gara garaa waliin hariiroo hojii cimsuun tumsaan hojjechuu cimsee akka itti fufu Obbo Kaasahun Gonfaan dubbataniiru.
Waliigaltee har’a mallattaa’een dhaabbileen lamaan dameelee ogummaa miidiyaafu kominikeeshiniin tumsaan hojjechuun rakkoolee damicha mudatan furuuf waliigalaniiru.
