“Erga Gareen Biyyaalessaa Atileetiksii diigamee, atileetonni gariin maatii isaaniin leenji’u, kuni ammoo hojii gamtaa dirree keessatti atileetonni keenya amma dura agarsiisaa turan akka badu taasise” jedhan leenjisaan fageenya giddu galeessaa Komaandar Toleeraa Dinqaa.
ShaampiyoonaaAtileetiksii Addunyaa 20ffaa Tookiyoof qophii taasisaa jiran irratti xiyyeeffachuun AMN PLUS waliin turtii kan taasisanKomaanderToleeraan, dorgommichaaf qophii taasisaa jiraachuu himan.
Muuxannoogama fageenya giddu galeessaatiin dhiiraafi dubaraan ture, ilaalchisee hojiin garee dirree keessatti dur beeknu amma sababaan ittidhabameef atileetota biyyakeenyaa gariin abbaa warraa isaanii,kaan obboloota isaanitu leenjisa jechuun dubbatan.
“tooftaa fi muuxannoo adda addaa qabatanii dorgommii tokkoof dhufu,kuni mataan isaa tooftaa dorgommichaa ittiin injifachuu qabanirratti teekinika waloodhabuun qabxii nu dhabsiisaa jira” jedhan.
Ammaan dura fageenya giddu galeessaa fi maaraatoonii dorgommii qabxii itti eeggannuudha kan jedhan komaander Toleeraan ammagaruu,yeroo fudhatus fala barbaaduundirqama akka ta’u ibsanii jiru.
Fageenya kana amma dura biyyoota Afrikaa Bahaa qofatu waldorgoma kan jedhan KomaandarToleeraan amma garuu,biyyoonni Awurooppaafi Ameerikaa biroos gita kanaan dorgomaa ta’uu eegaluu himanii nus sadarkaa sanaan gulantaa keenya foyyeessuunmaqaa gaarii damee kana irratti qabnu itti fufsiisuu qabnajedhan.
Shaampiyoonaan Atileetiksii Addunyaa 20ffaanFulbaana 13/ 2025 irraa eegalee Jaappaan Tookiyoottiadeemsifama.
Misikkir Alamaayyootiin
