Addis Miidiyaa Neetworkii

AMN PLUS – Amajjii 12, 2017

Pireezdaantii Ameerikaa 47ffaa ta’uun Marsaa lammffaaf kan filataman Donaald J. Tiraampi har’a Sirna Kakuu raawwatu jedhamee eeggama.

Donaald Tiraampi akkuma Masaraa ‘White House’ ol seenaniin sirna Kakuu raawwatuun ajajoota 200 kan mallatteessan ta’uunis himameera.

Qondaaltichi akkuma yeroo duula filannoo godaantota hadheeffatanii balaaleffataa turan dhimma godaantotaa ijoo taasisuun akka kaasantu eeggama.

Osoo Tiraampi Masaraa hin seenin dura mormitoonnii fi deeggartoonni isaanii ‘Washington DC’ hiriiraan dabaluun sagantichi gaggeeffama.

Haasa’a Jala bultii guyyaa Kakuu galuu dura Kaleessaa ‘Washington DC’tti bakka deeggartoonni isaanii argamanitti taasisaaniin “Akkuman Masaraa ‘White House’ ol seeneen hojiin koo jalqabaa godaantota biyyattii ari’uudha” jedhaniiru.

Yoo godaantota biyyattii hin ariine hojiis akka hin eegalle kakataniiru.

“Ajajaawwan Pireezdaantummaa gatii hin qabne kan bulchiinsaa Joo Baayideeniitiin mallatta’ee tures daqiiqota muraasa keessatti nan haqa” jedhan.

Namoomsaa Baalliitiin