Magaalaa Finfinneetti nageenya waaraa fiduuf qindoomina cimsuun akka barbaachisu Hoggantuun Biiroo Bulchiinsa Nageenyaa fi Tasgabbii Magaalaa Finfinnee Aadde Liidiyaa Girmaa ibsaniiru.
Biiroon Bulchiinsa Nageenyaa fi Tasgabbii Magaalaa Finfinnee bakka hoggansi fi miseensonni nageenyaa argamanitti raawwii hojii bara 2017 dhiyeessuun gumaacha dhaabbileen nageenyaa taasisaniif galateeffannaa fi beekamtii kenneera.
Yeroo amma kanatti magaalittiin konfiraansii idil-addunyaa fi ardiilee milkiin xumuruuf dhaabbilee nageenyaa ciccimoo akka barbaachisu Aadde Liidiyaa Girmaa beeksisaniiru .
Bara baajata 2017 hojii hojjetameen Magaalattiin mallattoo nagaa ta’uu eerun, hojii guddaa dhaabbileen nageenyaa tasgabbii mirkaneessuuf hojjetaniif galataniiru.
Magaalattiin qophiilee amantaa fi aadaa akkasumas konfiraansii idil-addunyaa fi ardiilee 150 ol ta’an milkaa’inaan qopheessuu isheetin muuxaxxoo gaarii akka qabdus ibsaniiru.
Jijjiiramni kun kan dhufe hojii dhaabbileen nageenyaa hawaasa waliin qindoominaan hojjetaniin ta’uu ibsuun, magaalattiti nageenyi waaraa fi mirkanaa’e itti fufsisuuf qindoomina cimsuun akka barbaachisu himaniiru.
Nugusuu Baqaaluutu gabaase
