AMN- Sadaasa 30/2017
Torban Industirii Afrikaa waajjira muummee Gamtaa Afrikaa Finfinneetti argamutti gaggeeffamuutti jira.
Saganticha irratti mata-duree “Dandeettii sammuu namtolchee, indaastirii magariisaa fi qabeenya kalaqa sammuu fayyadamuun jijjiirama Afrikaa dhugoomsuu” jedhuun mariin taasifamaa jira.
Dabalataanis, akka qaama torbee Industirii Afrikaatti, konfiransiin dubartootaa Afrikaa keessatti hojii oomishaa fi qopheessuu irratti bobbaa’an sadaffaan gaggeeffamaa jiraachuunis himameera.
Mariin kun “Carraawwan Naannoo Daldala Walaba Afrikaa uumeetti fayyadamuu; Yaada qajeelchaa “daandii badhaadhinaa irratti imaluu” jedhuun akka raawwatamu ibsameera.
TOI akka gabaasetti qondaaltonni Gamtaa Afrikaa, michoota misooma industirii, bakka bu’oonni damee dhuunfaa akkasumas ogeeyyiin sammuu namtolchee fi indaastirii marii kana irratti hirmaataniiru.
Torban Industirii Afrikaa kana keessatti bu’uuraalee imaammataa cimsuu fi filannoowwan faayinaansii filannoo pirojektoota industirii fi bu’uuraalee dijitaalaa barbaaduudhaan imala dinagdee magariisaa deeggaruuf mariin ni gaggeeffama jedhameera.
