Dijitaal Itoophiyaa 2025tiin dameewwan Telekoomii irratti bu’aan hedduun galmaa’uu Hoji-Raawwachiistuun Olaanaa Etiyoo-Telekoom Firehiwot Taammiruu ibsan.
Aadde Firehiwot maamiltootni bilbila mobaayilaa Miliyoona 97 irra dhaqqabsiisuun akka danda’ame ibsuun, Itoophiyaatti lammiileen Miliyoonni 57 ol fayyadamoo tajaajila intarneetii ta’uu kaasaniiru.
Magaalotni Itoophiyaa 1,030 ta’an tajaajila neetiworkii dhaloota 4ffaa “4G” irraa fayyadamoo ta’uu eeraniiru.
Dijitaal Itoophiyaa 2030’n lakkoofsi fayyadamtoota bilbila mobaayilaa Miliyoona 128 kan ga’u akka ta’e eeruun tajaajilli neetiworkii dhaloota Shanaffaa “5G” illee %100 akka ga’u hojjatamaa jiraachuusaa ibsuu isaanii odeeffannoon Waajjira Ministira Muummee Itoophiyaa irraa arganne ni mul’isa.
Dabalataanis, tajaajilli sirna kaffaltii dijitaalaa ALA 2030tti harka 7’n akka guddatuuf xiyyeeffannoon kennamee hojjatamaa jiraachuu ibsaniiru.
