Ministirri Muummee FDRI Abiyyi Ahimad (PhD) Walgahii G20 cinatti Barreessaa Olaanaa Dhaabbata Mootummoota Gamtoomanii Antooniyoo Gutareez waliin marii bu’a qabeessa ta’e gaggeessuu himan.
Marii isaaniinis tumsa waloo biyyoota danuu cimsuu fi dhimmoota ijoo idil addunyaaf xiyyeeffannoo kennuu Dooktar Abiyyi miidiyaa hawaasummaa isaaniin beeksisaniiru.
Tarkaanfii jijjiirama qilleensaa, nagaa fi tasgabbii, fi misooma itti fufiinsa qabu dabalatee aantummaa addunyaa waliinii tarkaanfachiisuu irratti mari’anneerra jedhan.
Ityoophiyaan bara 2027 keessummeessituu COP32 ta’uun walqabatee deeggarsa dhaabbatichi taasisuu malu irrattis mari’achuu beeksisaniiru.
