AMN – Sadaasa 17/ 2017
Tapha Shaampiyoonsi Liigii Awurooppaan Arsenaal dirreen ala gara Poorchugaal imaluun Ispoortiing Liisban 5-1’n injifate.
Havertiiz, Magaaleesh, Gabri’eel, Saakaafi Tiroosaard gooliiwwan injifannoo lakkoofsisaniiru.
Taphoota 5 darban walitti aansuun kan moo’ame Maanchester Siitiin Feeyinoordiin keessummeessee goolii 3 dursee argatus boodarra goolii 3 keessummeessuun 3-3 qixaan xumure.
Gareen Gaardiyoolaa daqiiqaa 14 keessatti goolii 3 keessummeessee.
Tapha kana irratti Erliing Haalaand gooliiwwan lama yoo galchu, taphoota Shaampiyoonsi Liigii 44 irratti goolii 46 galmeesseera.
PSG kan keessummeesse Baayern Muunik goolii 1-0’n yoo injifatu, Baarseloonaan ammoo Bireestiin 3-0’n moo’e.
Gareen Shaabii Aloonsoo Baayer Livarkusan ammoo RB Salsbargiin 5-0’n injifateera.
Intar Miilaanifi AC Miilaanis morkattoota isaanii injifataniiru.
