AMN PLUS, Guraandhala 8, 2017
Yaadamni Idaa’amuu akkuma sabdanummaa fi tokkummaa cimsuuf gahee olaana qabu Paan Afrikaanizimii cimsuufis kan tumsu ta’uu Ministirri Muummee FDRI Dooktar Abiy Ahimad ibsan.
Yaa’iin 38ffaan Gamtaa Afrikaa gaggeeffamaa jira.
Sirna baniinsaa yaa’icharraatti Dooktar Abiy Ahimad haasawaa taasisanii, godaannisa gitni bittaa fide of danda’uu fi hiyyummaa injifachuun balleessuu qabna jedhan.
Kanaafis inisheetiivota qonnaa hojiirra oolchuu, nyaataan of danda’uu fi hiyyummaa injifachuun akka barbaachisu ibsaniiru.
Itiyoophiyaan gama kanaan inisheetiivota qonnaa ammayyaa’oo fayyadamuun Afrikaarraa biyya qamadii oomishuun adda duree ta’uu dandeesseedha jedhaniiru.
Dhaloota itti aanuuf bu’uuraa kaa’uuf diyaaspooraa hirmaachisuun akka barbaachisus hubachiisaniiru.
Nageenya waaraa Afrikaa fi badhaadhinaa mirkaneessuuf idaa’amuun Afrikaa badhaate Afrikaanotaaf mijattuu uumuu dandeenya jedhanii, godaannisni gita bittaas kanan fayya jedhaniiru.
Gaaffiin beenyaa Afrikaa jecharra kan darbe haqa mirkaneessuu kan gaafatu ta’uu ibsuun, dhallii nama kamuu walqixa akka kabajamuu haqa mirkaneessuun murteessaadha jedhaniiru.
