AMN PLUS – Xoorrey 12/2018 T.I
Xukuumaddu Waxay Xoojisay Ballanqaadkeeda Casriyeynta Adeegyada Dadweynaha
Ra’iisul Wasaare Dr. Abiy Axmed ayaa ku dhawaaqay in Hindisaha Dhijitaal Itoobiya 2025 uu gaaray heer aad u sarreeya, isla markaana si guul leh loo hirgeliyey yoolalkii loo dejiyey. Wuxuu xusay in guushaas ay gogol xaar u noqotay in maanta si rasmi ah loo bilaabo Dhijitaal Itoobiya 2030, oo ah istiraatiijiyad cusub oo diiradda saaraysa horumarinta adeegyada casriga ah ee dalka.
Ra’iisul Wasaaruhu wuxuu sheegay in istiraatiijiyaddan cusub ay ku dhisan tahay ballaarinta helitaanka adeegyada, abuurista fursado siman oo ay muwaadiniintu wada gaaraan, iyo xoojinta kalsoonida u dhaxaysa muwaadiniinta iyo hay’adaha dowladda. Waxa uu tilmaamay in arrimahan ay yihiin tiirarka aasaasiga ah ee Dhijitaal Itoobiya 2030.
Sidoo kale, Ra’iisul Wasaare Dr. Abiy Axmed ayaa adkeeyay in diiradda la saarayo ballaarinta kaabayaasha dhijitaalka ah ee dadweynaha, taas oo la filayo in ay abuurto awood weyn oo u oggolaanaysa tiknoolajiyada dhijitaalka ah in ay si wax ku ool ah ugu adeegto bulshada isla markaana kor u qaaddo tayada nolosha muwaadiniinta.
Ugu dambayn, wuxuu xusay in hawlaha Dhijitaal Itoobiya ay si dhow ula jaanqaadayaan himilada guud ee dowladda ee ku saleysan mabda’a wada-jir iyo fududeynta adeegyada, si istiraatiijiyado waaweyn loogu beddelo ficil iyo natiijooyin la taaban karo.
