Gahumsa Oomishtummaa Indastiriiwwanii guddisuuf xiyyeeffannaan hojjetamaa akka jiru Kantiibaa Itti Aanaafi Hogganaan Biiroo Misooma Industirii Magaalaa Finfinnee Obbo Jaanxiraar Abbaay ibsan.
Biirichi bakka buutota dhaabbilee Faayinaansiifi Industiriiwwan oomishaa waliin mari’ataa jira.
Magaalaa Finfinnee keessa Indastiriiwwan oomishaa Kuma Sadii fi 800 akka jiran kan himan Obbo Jaanxiraar, “oomishaafi oomishtummaan dabalaa jiraatullee hanga barbaadame miti” jedhaniiru.
Gahumsa oomishaa industiriiwwan kanneenii guddisuuf Bulchiinsi Magaalaa Finfinnee imaammata haaraa bocee hojjechaa akka jiru dubbataniiru.
Mariin kunis imaammata bahe irratti hubannoo uumuun dhiheessii faayinaansii, liqii, liizii meeshaaleefi dhiyeessii bakka hojii irratti mari’achuun adeemsa invastimantii damichaaf haala mijataa uumuuf akka ta’e Obbo Jaanxiraar ibsaniiru.
Geetaahun Katamaatu gabaase.
