AMN PLUS- Amajjii 21/2018
Kabaja Hundeeffama Waggaa 90ffaa Humna Qilleensaa Itoophiyaa sababeeffachuun balaliistota gahumsa ajaa’ibsiisaan “Samii Leencotaa – Itoophiyaa” mata duree jedhuun agarsiisa qophaa’e irratti hirmaachuun gumaacha olaanaa ba’ataniif sirni beekamtii kennuu fi galateeffachuu adeemsisafameera.
Humni Qilleensaa Itoophiyaa ayyaana seene qabeessa “Mallattoo Bilisummaa fi Tokkummaa” mata duree jedhuun balaliistota samii biyyattii gootummaa fi ogummaan miidhagsaniif Ajajaan Olaanaa Humna Qileensaa Itoophiyaa Leetenaalli Jeneraalaa Yilmaa Mardaasaa galataa fi kennaa beekamtii gumaachaniiru.
Leetenaal Jeneraal Yilmaan wayituma kana ergaa dabarsaniin, balaliistotni agarsiisa irratti gahumsa olaanaa fi ogummaan mul’isan hojii loltummaa idileen olitti olaantummaa teekinooloojii fi qophaa’ummaa dhaabbatichaa addunyaatti kan agarsiise ta’uu ibsaniiru.
Itti dabaluunis, “Dhaabbaticha irra darbuun Itoophiyaa boonsitaniittu, gahumsa raawwachuu Humnsa Qilleensaa gochaan mul’istaniittu” jechuun gootummaa fi amanamummaa balaliistotaa jajaniiru.
Beekamtiin kun birmadummaa fi olaantummaa humna qilleensichaa mirkaneessuuf qabsoo balaliistotni taasisan kan yaadachiisu ta’uu eeraniiru.
Ajajaan Olaanaa Humna Qilleensaa Itoophiyaa dhaloota itti aanuuf kaka’umsa hamilee guddaa kan uumu akka ta’e odeeffannoo Onlaayiniin Raayyaa Ittisa Biyyaa AMN’f erge ni mul’isa.
