AMN PLUS- Guraandhala 20/2018
Ministirri Muummee Abiyyi Ahimad (PhD) fi jilli isaanii giddugala Tajaajila Uummataa fi Dhaabbata Kalaqa Hawaasummaa Mootummaa Azarbaajaan (ASAN) daawwachuu isaanii Waajjirri Ministira Muummee ibse.
Daawwannaan kunis tarsiimoo biyyi Azarbaajaan bulchiinsa Teekinooloojii Hubannoo Nam-tolchee (AI) irratti hundaa’uun babal’isuufi tajaajila uummataa karaa dijitaalaan ammayyeessuuf hordoftu kan agarsiisu ta’uu ibsameera.
Dabalataanis, Injiinariingii AI biyyattii fi giddugala leenjii hoggansaa olaanoo kan ta’e Akaadaamii AI irra naannaa’uun daawwataniiru.
Itti aansuunis, naannichaatti giddugala boba’aa fi gaazii qopheessuu guddaa kan ta’e Saangaachaal Tarminaalifi naannoo diinagdee bilisaa Alaat jedhamu ilaalaniiru.
Daawwannaan kunneenis tumsa daldalaa, anniisaa fi jijjiirama dijitaalaa biyyoota lamaan gidduu jiru daran cimsuuf kan gargaaru ta’uus ibsameera.
