AMN PLUS- Sadaasa 2/2018
Federeeshiniin Kubbaa Miilaa Turkiyee taphattoota qumaara (betting) irratti hirmaachuun shakke kuma tokkoo ol dhorkuu isaa beeksise.
Federeeshinichi taphattoota Suuper Liigii keessa taphatan dabalatee kan haga liigii gulantaa 4tti taphatan walumaa galatti taphattoota kubbaa miilaa piroofeeshinaala ta’an kuma 1fi 24 dhorkuu beeksiseera.
Sababa kanaan taphootni diviziyoonii sadaffaa fi 4ffaa taphatamu kan biyyatti yeroo biraatti darbeera.
Kilabiin Suupar Liigiin milkaa’a ta’e Beeshiktaash taphattoonni isaa lamaa gochaa kana keessatti hirmaannaa akka hin qabne ibsuun, kilabichi isaan cinaa akka dhaabbatu beeksiseera.
Dura taa’aa kilabichaa dabalatee namoonni saddeet to’annoo seeraa jala oolun qoratamaa akka jiran gabaasni miidiyaalee Turkiyee ni mul’isu.
Taphattootaa fi dura taa’aa kilabootaa malees abbootiin murtii taphaa shakkamaa akka jiran BBC Sport gabaaseera.
Qorannoon dhiheenya kana Federeeshiniin Kubbaa Miilaa Turkiyee tasisee akka agarsiisutti abbootii murtii kubbaa miilaa 571 keessaa 371 herrega qabsiifannaa (Betting) akka banatan ibsameera.
Shuumii Badhaasootiin
