Ameerikaa fi Chaayinaan daballiin taarifaa hojiirra ooluu isaa dursee waliigaltee daldalaa isaanii guyyoota 90n dheeressuu himame.
Biyyootni diinagdee addunyaa dursan lameen Ameerikaa fi Chaayinaan marii dhimma daballii taarifaa irratti ji’a darbe taasisan quubsaa ta’uu eeraniiru.
Bakka bu’aan ol aanaan Chaayinaa marii kana irratti akka jedhanitti biyyoonni lamaan waliigaltee daldalaa itti fufsiisuuf ni hojjenna jedhaniiru.
Pireezidaantiin Ameerikaa Doonaald Tiraamp waliigaltee kana dheeressuuf mallattoo isaanii kaa’uu BBC’n gabaaseera.
Waliigaltee daldalaa kanaan Waashingitan meeshaalee Chaayinaa irratti daballii taarifaa dhibbeentaa 145 kaa’uuf kan yaadde ni tursiti.
Haaluma walfakkaatuun Beejiingis daballii taarifa meeshaalee Ameerikaa irratti dhibbeentaa 125n dabalte ni tursiti jedhame
Waliigaltee kanaan duraatiin Ameerikaan meeshaalee Chaayinaarraa ergaman irratti taarifa dhibbeentaa 30 kan kaa’atte yoo ta’u, Chaayinaan ammoo oomisha Ameerikaa irratti taarifa dhibbeentaa 10 kan kaa’atte ta’uu ibsameera.
Madda: BBC
Wandimaageny Assafaatiin
