Hidhi haaromsaa guddichi Itoophiyaa adeemsa waggaa 14 booda guyyaa har’a bifa ho’aadhaan eebbifameera.
Kunis injifannoo Adawaa dabalataa irree tokkoomeen Itoophiyaanotni miira ni danda’amaan xumuramuun guutummaa biyyattiitti dammaqinaan karaa adda addaan kabajamaa jira.
Sirni eebbaa kunis miidiyaa biyya keessaa irra darbee fuula miidiyaalee gurguddoo Idil-addunyaa irratti bahuun tamsaasa kallattiin gabaafameera.
Itoophiyaan Afrikaatti hidha guddaa eebbisteetti jechuun fuula miidiyaa hawaasumma irratti fudhatee kan bahe Rootersiidha.
Kan biroo BBC fi Firaansi 24 Itoophiyaan hidha guddicha Afiriikaa eebbisteetti jechuin gabaasa fudhatanii bahaniiru.
Akkasumas miidiyaa Tarkiyyee kan ta’e Anaadooluun fuula miidiyaa isaa irratti oduu simbirtuu jechuun fudhate baheera.
Keeniyaanis Pireezidaantii isheetiin dabalatee toorota miidiyaa irratti oduu simbirtuu fudhatee baheera.
Miidiyaaleen Idil Addunyaa kanneen biroos Eebba Hidha Haaromsaa gabaasaa jiru.
