AMN PLUS – Xoorrey 6/2018 T.I
Booqashadan ayaa timid kaddib ballan ay mas’uuliyiintu qaadeen oo ahaa in dadka la raray loo oggolaan doono inay arkaan sida goobahoodii hore loo horumariyey. Waxaa la xusuustaa in Duqa Magaalada Addis Ababa, Marwo Adanej Abebe, ay horay u kormeertay xaaladda dadka la raray isla markaana ay daah-furtay mashaariic horumarineed oo kala duwan.
Mas’uuliyiinta magaalada ayaa sheegay in Beerta Arada la dhisay dhul dhan 42 hektar, isla markaana ay ka koobantahay kaabayaal kala duwan sida garoomo ciyaareed, goobo carruurta lagu maaweeliyo, amphitheaters, hoolal shirar, waddooyin orod iyo jidad baaskiil, taasoo ka dhigaysa goob casri ah oo dhammeystiran.
Dadka booqashada sameeyay ayaa muujiyay farxad, iyagoo sheegay in goobtii ay hore u deggenaayeen ay si weyn isu beddeshay, isla markaana ay ku faraxsan yihiin in ay noqdeen qayb ka mid ah horumarka iyo faa’iidooyinkiisa. Waxay sidoo kale sheegeen in guryaha cusub iyo kaabeyaasha laga hirgeliyay Nifas Silk Lafto ay noloshooda ka dhigeen mid ka wanaagsan sidii hore.
Mas’uuliyiinta ayaa tilmaamay in qorshaha ah in dadka laga raray deegaanadoodii hore ay mar kale booqdaan goobaha horumarka laga sameeyay uu sii socon doono, iyagoo adkeeyay in mashaariicda noocan ah ay ka tarjumayaan horumarka magaalada iyo mustaqbalkeeda.
