AMN PLUS – Xoorrey 24/2018 T.I
Duqa Magaalada Addis Ababa Adanej Abebe ayaa farriin ay ku baahisay baraha bulshada ku sheegtay in dadaalladii lagu doonayay in Addis Ababa laga dhigo magaalo ku habboon oo la doorbido in carruurta lagu barbaariyo Afrika dhexdeeda ay hadda bilaabeen inay miro dhalaan.
Waxay sheegtay in iyada oo loo marayo barnaamijka horumarinta carruurnimada hore ee ka socda magaalada, 177 carruur ah oo leh naafooyin culus oo kala duwan, kuwaas oo laga soo kala xushay xaafadaha magaalada, loo qaybiyay kuraas curyaamiineed (wheelchairs) oo si gaar ah loogu diyaariyay baahidooda iyo xaaladdooda jireed.
Kuraasta curyaamiinta ah ayaa loo sameeyay si waafaqsan nooca naafonimada ee carruurta, taas oo ka dhigaysa taageerada mid ku habboon oo wax ku ool ah. Tani waa qayb ka mid ah horumarinta loo dhan yahay ee loo wada siman yahay, waxaana ujeeddadu tahay in magaalada Addis Ababa ay noqoto mid ay ka hanaqaaddo caddaalad bulsho. Waxay sidoo kale carrabka ku adkaysay in mustaqbalka si go’aan leh looga shaqayn doono in carruur badan oo aan weli helin adeegyo la gaarsiiyo.
Duqa magaaladu waxay mahadnaq ballaaran u jeedisay dhammaan saaxiibbada ka qayb qaatay hirgelinta hawshan samafalka ah, gaar ahaan Clinton Health Access Initiative (CHAI), iyadoo ku hadlaysay magaca carruurta ka faa’iidaystay iyo waalidiintooda.
