አዲስ ሚዲያ ኔትዎርክ

AMN- ነሐሴ 29/2018 ዓ.ም

ባለፉት ጥቂት ዓመታት ውስጥ በታሪክ አጋጣሚዎች የተጣለባትን የተረጂነት ምዕራፍ ወደ ኋላ በመተው በራሷ አቅም የማምረትና የኢኮኖሚ ሉዓላዊነትን የማስከበር ታሪካዊ ጉዞ የጀመረችው ኢትዮጵያ፤ ከዝናብ ጠባቂነት አሰራር ተላቃ በበጋ ስንዴ ልማት፣ በጓሮ አትክልትና ፍራፍሬ ኤክስፖርት እንዲሁም በዘመናዊ የግብርና ማሽነሪዎች ታጅቦ የቀጠለው የማምረት አቅም እያመጣ ያለው ውጤት እጅግ አመርቂ ነው።

ከግብርና ባለፈ የኢንዱስትሪ ፓርኮች መስፋፋት፣ የኮሪደር ልማቶች እና የዲጂታል ቴክኖሎጂዎች አጠቃቀም የሀገሪቱን የኢኮኖሚ መዋቅር በአዲስ መልክ እየቀረጹት ይገኛሉ።

የግብርና ትራንስፎርሜሽን እና የምግብ ሉዓላዊነት ለማረጋገጥ እየተከወኑ ያሉ ተግባራት እጅግ አመርቂ ውጤት እያመጡ ነው፤ በተለይ በክረምት እና በበጋ መስኖ ስራዎች የታየው ለውጥ እጅግ የሚበረታታ ነው።

ሀገራችን ከዝናብ ጠባቂነት ተላቃ በበጋ ስንዴ ልማት እና በሌሎች የመስኖ ስራዎች አመርቂ ውጤቶችን በማስመዝገብ ላይ ትገኛለች።

በተጨማሪም የግብርና ምርቶችን ወደ ውጭ በመላክ ሂደት ውስጥ የጓሮ አትክልቶች እና የፍራፍሬ ምርቶች (በተለይም አቮካዶ) የውጭ ምንዛሪ በማስገኘት ረገድ ትልቅ ድርሻ እየወሰዱ ይገኛሉ።

ዘመናዊ የግብርና ማሽነሪዎች፣ የተሻሻሉ ማዳበሪያዎች እና የግብርና ኤክስቴንሽን ስራዎች ምርታማነትን በከፍተኛ ሁኔታ አሳድገውታል።

አረንጓዴ አሻራ እና የኢኮኖሚ መልሶ በማገገም ረገድ፣ የአረንጓዴ አሻራ መርሃ ግብር ከአየር ንብረትን እና ስነ-ምህዳርን ከማስተካከል ባለፈ ለግብርናው ዘርፍ አስተማማኝ እና ምቹ ሁኔታን እየፈጠረ ነው።

የኢንዱስትሪ ፓርኮች እና የማኑፋክቸሪንግ ምዕራፍ ደግሞ፤ ጥሬ ዕቃዎችን እንዳሉ ወደ ውጭ ከመላክ ይልቅ በሀገር ውስጥ አቀናብሮ ለገበያ ማቅረብ ላይ የተደረገው ትኩረት የኢንዱስትሪውን ዘርፍ ከፍ አድርጎታል።

እንደ አዲስ አበባ ያሉ ከተሞች ያደረጉት መዋቅራዊ ለውጥ እና የኮሪደር ልማቶች ለቱሪዝም እና ለአገር ውስጥ ኢንቨስትመንት ምቹ ሁኔታዎችን በመፍጠር ላይ ናቸው።

ከተረጂነት መውጣት ማለት ድጋፍን ማቆም ብቻ ሳይሆን፣ የህዝብን አቅም በመጠቀም በራስ እግር መቆም እና ምርትን ለዓለም ገበያ ማቅረብ መቻል ነው።

ዜጎች ከተጠቃሚነት ወደ አምራችነት እንዲሸጋገሩ የሚያስችል አዲስ የስራ ባህል እየጎለበተ መምጣቱ፣ እንዲሁም እንደ ‘አዲስ መሶብ’ ያሉ ዲጂታል አገልግሎቶችን በማቀላጠፍ ለኢኮኖሚ እንቅስቃሴው ምቹ ከባቢ መፍጠራቸው የዚህ ታሪካዊ ሽግግር ማሳያዎች ናቸው።

በፍሬሕይወት ብርሃኑ