Itoophiyaan Yaa’ii COP-32 keessummeessuuf filatamuun kutannoo biyyattin misooma anniisaa haaromfamaf qabdu mirkaneessa- Injinar Habtaamuu Ittafaa (PhD)

You are currently viewing Itoophiyaan Yaa’ii COP-32 keessummeessuuf filatamuun kutannoo biyyattin misooma anniisaa haaromfamaf qabdu mirkaneessa- Injinar Habtaamuu Ittafaa (PhD)

AMN PLUS- Sadaasa 19/2018

Itoophiyaan Yaa’ii Haala Qilleensaa Addunyaa 32ffaa (COP-32) keessummeessuuf filatamuun kutannoo biyyattin misooma anniisaa haaromfamaf qabdu akka mirkaneessu Ministirri Bishaanii fi Injinar Habtaamuu Ittafaa (PhD) ibsan.

Itoophiyaan qabeenya uumamaa anniisaa haaromfamaa misoomuu danda’an hedduu qabachuu kan himan Dooktor Injinar Habtaamuun, filannoowwan anniisaa bishaanii, aduu, qilleensaa, ji’ootarmaaliifi kanneen biroo ijaaruu akka dandeessu ibsaniiru.

Lammiilee baadiyyaa jiraatan misooma humna aduu irraa argamuun fayyadamoo taasisuuf hojjetamaa akka jiru ibsuun, Gandoota baadiyyaa fi magaalota ibsaan bira hin gahin misooma humna aduutiin waliin gahuuf dhaabbilee misoomaa waliin qindoominaan hojjetamaa akka jiru dubbataniiru.

Milkaa’inni Itoophiyaan misooma anniisaa haaromfamaa irratti mul’isteefi dhiibbaa jijjiirama qilleensaa hir’isuuf yaa’ii gurguddaa keessummeessaa jirtun beekamtii idil-addunyaa akka argattes ibsaniiru.

Filannoon misooma anniisaa haaromsaa Itoophiyaatti ijaaramaa jiru biyyoota dhiibbaa jijjiirama qilleensaatiin miidhaamaa jiranif fakkeenyaa akka ta’u Dooktor Habtaamuun kaasaniiru.

Yaa’ii haala qilleensaa addunyaa 30 ffaa (COP-30) Biraazilitti qophaa’e sanirratti sochiin Itoophiyaan jijjiirama qilleensaa ittisuuf sagantaa ashaaraa magariisaafi misooma anniisaa haaromfamaa irratti xiyyeeffatte yaa’ichaaf dhiyaachuun isaa ni yaadatama.

Sanumarraa ka’uun yaa’ii haalaa qilleensaa addunyaa 32ffaa (COP-32) Itoophiyaan akka qopheessituuf filamuun carraa baay’ee biyyatif akka fidu ibsuu isaanii TOI gabaase.

0 Reviews ( 0 out of 0 )

Write a Review

AmnAdmin

MAJOR ASCHIEVMENTS

Leave a Reply