AMN PLUS – Amajjii 22/2018
Misoomni qamadii Itoophiyaa, galma of danda’uu irratti kan bu’uureffate ta’uu Ministirri Muummee FDRI Abiyyi Ahimad himan.
“Sagantaan misooma qamadii Itoophiyaa, oomishtummaa dabaluun, sirna jallisii bal’isuu, dhiheessii sanyii filatamaa cimsuun, qonnana bultoota deeggaruufi galma of danda’uu irratti kan bu’uureffatedha” jedhan.
Kurmaana lamaan jalqabaa Bara 2018tti oomishni qamadii kuntaalli miiliyoona 126 ol argamuu Dr. Abiyyi Ahimad ibsaniiru.
Kunis oomisha qamadii bonee osoo hin dabalatiin ta’uu ibsuun, qonnaan bultoota keenya dinqisiifachuufi galateeffachuun barbaada jedhan.
Cichoomina keessan kanaan itti fufaa jechuunis dhaamaniiru.
