Sirna kabaja ayyaana cuuphaa bara kana magaalaa Baatuutti karaa adda ta’een kabajuuf qophiin taasifamuu Mana Amantsa Ortodoksii Tawaahidoo Itoophiyaatti Hoji-Gaggeessaa Olaanaa Kutaa Lallabaa Magaalaa Baatuufi Aanaa Adaamii Tulluu Jiddoo Liiqa Tiguhaan Alaqaa Ermiyaas H/Goorgis himan.
AMN Dijitaal waliin turtii kan taasisan Liiqa Tiguhaan Alaqaa Ermiyaas H/Goorgis Gondaritti bishaan nam-tolchee irratti ayyaanichi kan kabajamu ta’uu eeruun, magaalaan Baatuu Hara Dambalfi Odolawwan waaqni uume of keessaa qabaachuu hara uumamaa irratti kabajuun adda akka taasisu himaniiru.
Hara uumamaa kana irratti Odolawwan haga 4 tti taabonni simatamee eebbifamuun bidiruu irra kaa’amee hara kana irra cee’ee gara Bocceessaa akka deemu kaasan.
“Kunis seera durumaa kaasee Abbootiin amantaa keenyaa raawwachaa turan waan qabnuuf , Bataskaana 6 keessaa walitti qabamee sirni kun agaggeefama jedhaniiru.
Magaalaa qulqulleessuufi hojiiwwan ayyaanichaaf qophaa’an hundaa hawaasa keenya amantaa biroo hordofantu nu waliin dhaabbatee qopheessa jedhaniiru.
”Mootummaanis jijjiirama guddaa fideen bakki Hara Dambal dur foolii hin tollee qabu har’a miidhagee bakka cuuphaa itti gaggeesinu mijataafi hawwataa ta’eera” jedhani.
Ayyaanicha irrattis jedhani Liiqa Tiguhaan Alaqaa Ermiyaas sagantaaleen tokkummaa, jaalala nagaa labsan akka qophaa’an himaniiru.
Ayyaannichi kaaraa adda ta’een milkaa’ee akka adeemsifamuuf Koreewwan hundaa’uun, Bulchiinsi Magaalaa Baatuus xiyyeeffannoon hojjechaa jiraachuu Bataskaana Ortodoksii Tawaahidoo Itoophiyaatti Hoji-Gaggeessaa Olaanaa Kutaa Lallabaa Magaalaa Baatuufi Aanaa Adaamii Tulluu Jiddoo Liiqa Tiguhaan Alaqaa Ermiyaas H/Goorgis turtii AMN Dijitaal waliin taasisaniin himaniiru.
Daraartuu Tarreessaatu gabaase
