AMN PLUS Caamsaa 09/2017
Ministirri Muummee Abiyyi Ahimad Itoophiyaan gama Artefishaal Intelejensii, misoomawwan bu’uuraafi hojiiwwan dagaaginaa gahumsaa cimsuun hojii fakkeenyummaa qabu hojjetaa jiraachuu himaniiru.
Afrikaan Artefishaal Intelejensii mandhaleen hoogganamaa badhadhina mirkaneessuufi ajandaa 2063 dhugoomsuuf jaarraa haaraatti cehaa jirti jedhan.
Har’a sagantaa qabiyyee ‘Artefishaal Intelejensiin Badhaadhina Afrikaafi Waloomaaf’ jedhuun Magaalaa Finfinneetti adeemsifamaa jiru irratti Artefishaal Intelejensiin Afriikaa beekumsa mandhaleen hoogganamaa badhadhina mirkaneessuufi ajandaa 2063 dhugoomsuuf hojjetamaa jiraachuu kaasan.
Itoophiyaan mul’ata gama Institiyuutii Artefishaal Intelejensiin, eenyummeessaa dijitaalaafi Koodarsii Itoophiyaa Miiliyoona shaniin qabatte qabatamaan hojiirra oolchuu dandeesseetti jedhan.
Afrikaan bara 2030’tti ‘Artefishaal Intelejensiin akkaataa afrikaaf tahuun naamuusaan, hirmaachisummaafi itti fufiinsaan hundeessuun irraa eegama jechuusaanii Waajjira Ministira Muummeerraa odeeffanne.
