Kantiibaan Magaalaa Finfinnee Aadde Adaanech Abeebeen dhimma sochii misooma magaalichaa ilaalchisuun Gaazexaa Addis Zaman waliin turtii taasisaniiru.
Turtii isaaniin qabxiilee ijoo kaasan keessaa:-
Finfinneen hirriba baroota hedduuf keessa turterraa dammaqaa jirti
Bara jijjiiramaa keessa misoomni waaraan Finfinnee madaalu karoorfamee hojiitti hiikamuun magaalattiin bifa haarawa akka uffattu taasifameera.
Waantota ammayyummaa magaalaa ibsan keessaa tokko bu’ura misooma daandiiti. Finfinneenis bara jijjiiramaarraa jalqabee qabeenya daandiiwwanii bareedaafi ammayyaawaa ta’uu dandeesseetti.
Dhiibbaa qaala’ina jireenya xiqqeessuuf oomishtoota shamattoota waliin kallattiidhaan walqunnamsiisuuf Giddugalli Gabaa Omishaalee Qonnaa kaan xumuramaniiru, kaan ijaaramaa jiru.
Giddugaloonni kunniin wayita xumuramutti cancala gabaa seeraan alaa hanbisuufi qaala’ina jireenya jiraattotaa xiqqeessuuf gahee olaanaa qabaata.
