የመደመር መንግስት እሳቤዎች መፍጠር፣ መፍጠን ፣ማብዛት እና ማጥራት መሆናቸውን ጠቅላይ ሚኒስትር ዐቢይ አህመድ (ዶ/ር) ተናገሩ።
ጠቅላይ ሚኒስትር ዐቢይ አህመድ “በመደመር መንግሥት ዕይታ፣ የዘርፎች እመርታ!” በሚል መሪ ቃል ለብልፅግና ፓርቲ ከፍተኛ አመራሮች ስልጠና ሰጥተዋል።
ጠቅላይ ሚኒስትር ዐቢይ አህመድ (ዶ/ር) ስለመፍጠር ሲያብራሩ፣ ብዙ ያልፈጠረ ጥራትን ማረጋገጥ አይችልም ያሉ ሲሆን፣ ከብዙ ፈጠራ ውስጥ ጥራት ያላቸው ጉዳዮች እንደሚወጡ አንስተዋል።
ብዙ ለመፍጠርም ፍጥነት እጅግ አስፈላጊ መሆኑን በመግለጽ፣ ያልፈጠነ ግዜው እንደማይጠብቀው አጽንኦት ሰጥተዋል።
ጠቅላይ ሚኒስትሩ ብዛት እድል ጥራት ግን ውጤት መሆኑን በማንሳት በብዙ ፈጠራ ዉስጥ አዳዲስ እና ጥራት ያላቸው ነገሮችን ከብዙው ውስጥ መዞ ማውጣት እንደሚቻል ተናግረዋል።
ጠቅላይ ሚኒስትር ዐቢይ አሕመድ አክለውም፣ በብዙ ፈጠራ ውስጥ ዘላቂ ውጤትን ማስቀጠል እንደሚቻል የገለጹ ሲሆን በብዙ መፍጠር ወስጥ በመፍጠን ጥራትን ማረጋገጥ እንደሚቻልም ጠቁመዋል።
ኢትዮጵያን ለማሻገር በመደመር መንግስት እሳቤዎች በመታገዝ፣ በመፍጠን መርህ፣ በመፍጠር እሳቤ ፣ፈጠራንም በማብዛት እና ያንንም በጥራት አልቆ በመስራት ሊሆን ይገባል ብለዋል።
በወርቅነህ አቢዮ
