Poolisiin Magaalaa Finfinnee fiigicha guddicha Itoophiyaa sadaasa 14/2018 yeroo 25ffaaf taasifamu ilaalchisee daandiiwwan konkolaataa cufaa ta’an beeksise.
Fiigicha kana irratti hirmaattonni biyya keessaa fi alaa, ambaasaaddaroonnii fi atileetotni affeeraman hedduun akka jiran kan ibsame yoo ta’u, ka’umsiifi xumurri isaa Addabaabayii Masqalaa akka ta’e ibsameera.
Fiigichi jalqabee haga xumuramutti daandiiwwan konkolaataa cufaa ta’uu qaban ibsuun, nageenya walootifis, hirmaattonni sakatta’iinsi akka jiru beekanii deeggarsa gochuu akka qaban poolisiin beeksiseera.
Haaluma kanaan daandiiwwan konkolaataa cufaa ta’uu qaban
- Addabaabaayii Olompiyaatii gara Addabaabaayii Masqalaa
- Addabaabaayii Xilaahuunirraa gara ibsaa tiraafikaa Saanjooseefitti
-Ibsaa tiraafikaa Gamtaa Afrikaa irraa gara addabaabaayii Meeksikootti
- Ibsaa tiraafikaa Paarlaamaa irra gara marfata konsanitti
- Marfata Konsan irraa gara Gabri’eelitti
-Mana Rasaasaa irraa gara Gabri’eelii duuban
- Addabaabaayii dubartootaa irraa gara Kaasaanchisitti
- Adda baabaayii dubartootaa irraa gara Tootaal Kaasaanchisitti(Adda baabaayii dubartootaa)
– Addabaabayii 22 irraa gara Addabaabayii Uraa’elitti
- Daandii Haaraa Piikook irraa gara Addabaabayii Uraa’elitti
- Addabaabaayii Gaazeeboo irraa gara Dambalittibal
- Qaxxaamura Mana Amantaa kiristaanaa Qiirqoos irraa gara ibsaa tiraafikaa Laga Haaritti
- Marfata Hospitaala Landmark irraa gara ibsaa tiraafikaa Hoteela Gannatitti.
- Gamoo jallataa irraa gara addabaabaayii Meeksikootti.
- ibsaa tiraafikaa Gamtaa Afrikaa irraa gara Addabaabayii Meeksikootti
- Ibsaa tiraafikaa Farasanyaa irraa gara dirree Caffeetti
-Qaxxaamura Mollaa Maaruu irraa gara qe’ee Geejjaatti
- Addabaabaayii Mana Murtii Ol’aanaa irraa gara Addabaabayii Meeksikootti
- marfata Sangaa Taraa 40/60 irraa gara ibsaa tiraafikaa Sangaa Taraat
- Ibsaa tiraafikas Gommaa Quxxabaa irraa gara Tiyaatira Biyyoolessaatti
- Marfata Meetirooloojii irraa gara ibsaa tiraafikas mana Poostaatti
- Sheelii Hospitaalaa leenca gurraachaa irraa gara Immigireeshiniitti
- Qaxxaamura Mana Amantaa Mikaa’elaa Gollaa irraa gar Immiigireeshiniitti
- Addabaabaayii Teediroos irraa gara ibsaa tiraafikaa Masaraa Mootummaatti
Dilbata barraaqa sa’aatii 11:30 irraa eegalee haga fiigichi xumuramutti daandiiwwan armaan olitti ibsaman akka cufaman eeruun, Sambata xiqqaa sa’aatii 12:00 irraa eegalee daandiiwwan kanneen irratti yeroo gabaabaas ta’e yeroo dheeraaf konkolaataa dhaabuun akka hin danda’amne Poolisiin Magaalaa Finfinnee beeksiseera.
Tajaajila Poolisii argachuuf 011 1110111 yookiin sarara bilbilaa bilisaa 991 irratti bilbiluun akka danda’amu Poolisiin beeksiseera.
