Ergaa Kantiibaa Adaanech Abeebee
============================
Har’a guyyaa ayyaana dhaloota fayyisaa keenyaa Iyyasuus Kiristoos lammiilee rakkoo hawaasummaaf saaxilaman,maanguddoota oolmaa biyyarraa qaban,harka qalleeyyii fi lammiilee keenya namoota isaan gargaaran hin qabne waliin giddugala nyaataa “tasfaa birhaan” gullalleetti maaddii qooddachuun kabajnee jirra.
Gammachuun dhugaa kan argamu fudhachuu irra kennuu fi lammiif qooduu keessattidha. Lammiilee keenya eebba magaalaa keenyaa ta’an kanneen waliin ayyaana kabajuun nuuf kabaja guddaa fi galaa hamileeti. Guyyaa har’aas giddugaloota nyaataa 26n hundattuu sagantaan maaddii qoodachuu bifa miidhagaan gaggeeffamee jira.
Ayyaana Gaarii!
Waaqni Itoophiyaa fi Uummata Ishee Haa Eebbisu!
