AMN PLUS- Ebla 08/2018
Shaampiyooniin Olompiikii yeroo 3 Atileetiin Lammii Ameerikaa Gaabiiy Toomaas Dorgommii Idil Addunyaa ”Addis Ababa Grand Prix” Itoophiyaan yeroo jalqabaaf qopheessitu irratti hirmaachuuf Finfinnee seenuu Federeeshiniin Atileetikisii Itoophiyaa beeksise.
Koreen Hoji Raawwachiistuu Federeeshinichaa, Atileet Silashii Sihiniifi Atileet Masarat Daffaar dabalatee buufata xiyyaaraa Idil Addunyaa Booleetti argamuun Gaabiiy Toomaas’f simannaa taasiseera.
Gaabiiy Toomaas Olompiikii Paariis bara 2024tti Fiigiicha Meetra 200, Fiigicha ulee walitti kennuu 4×100 fi 4× 400 tiin Meedaaliyaa warqee fudhachuun ishee ni yaadatama.
Dorgommii Idil Addunyaa “Addis Ababa Grand Prix” Finfinneetti adeemsifamu irratti hirmaachuufis har’a ganama dhufuu ishee Federeeshinichi ibseera.
