AMN PLUS- Ebla 20/2018
Ce’umsi Indaastirii Itoophiyaa fedhii guddina diinagdee lakkoofsaan ibsuu caalaa birmadummaa biyyaalessaa waaraa mirkaneessuuf bu’uura murteessa ta’uu Tajaajilli Komunikeeshinii Mootummaa beeksiseera.
Mootummaan damee oomishaa wiirtuu birmadummaa taasisuun bocuun fedhiiwwan bu’uuraa humna ofiin uwwisuuf diinagdee tarsiimawaa dhiibbaafi hirkattummaa alaa irraa bilisa ta’e ijaaruuf murannoo olaanaan hojjetaa jiraachuu ibseera.
Ce’umsi caasaa kun hudhaalee jiran gara injifannoo tarsiimawaatti jijjiiruun ol ka’iinsa birmadummaa Itoophiyaa qabatamaan mirkaneessaa jiras jedheera.
Ce’umsi eegalame gara boqonnaa abbummaa teeknooloojiitti ce’aa kan jiru yoo ta’u, kunis murannoo cimaa mootummaan damee oomishaa sadarkaa olaanaatti guddisuuf qabu kan mul’isu ta’uu kaaseera.
Warshaaleen oomishaa Seelii Soolaarii Hawaasaa, Dabrebirhaaniifi Finfinneetti hojiitti galan waggaan sharafa alaa Doolaara Biliyoona 1 ol argamsiisuun Itiyoophiyaan damichaan bu’aa gaarii galmeessaa jiraachuu qabatamaan kan mirkaneesse ta’uu tajaajilli Komunikeeshinii Mootummaa odeeffannoo baaseen beeksiseera.
