AMN PLUS- 25/2018
Har’a barii magaalaa Finfinneetti fiigichi Kiiloo Meetira 5 Gaarummaa Sheeh Zaayid Addabaabaayii Masqalaatti adeemsifamuu Kantiibaan Magaalaa Finfinnee Aadde Adaanech Abeebee beeksisaniiru.
Dorgommii Fiigichaa fageenya Kiiloo Meetira Shan haguugu kana irratti qaamoleen hawaasa garaa garaa, atileetotni bebbeekamoo, namootni dhageettii qaban, daa’imman akkasumas lammiileen biyya alaa irratti hirmaachuu Kantiibaan Adaanech ibsaniiru.
Kantiibaan Adaanech Abeebee ergaa miidiyaa hawaasummaa isaaniin dabarsaniin, kanaan dura dorgommii Idil Addunyaa magaalota Ameerikaa, Biraazil, Abu Daabii, Hindii, Chaayinaa fi Kaayirootti adeemsifamaa ture Itoophiyaan yeroo jalqabaaf keessummeessuu ibsaniiru.
”Fiigichi Gaarummaa Kiiloo Meetira 5 Sheh Zaayid Finfinneetti akka adeemsifamuuf filachuu keessaniif isinin galateeffadha” kan jedhan Kantiibaa Adaanech, Finfinneen taateewwanii fi dorgommiiwwan sadarkaa ardii fi idil addunyaatti taasifamaniif filatamtuu ta’uu ishee hubachiisaniiru.
